Events

”கேம் ஓவர்” திரைப்படத்தின் இயக்குனர் அஸ்வின் சரவணனுடன் கலந்துரையாடல்

”கேம் ஓவர்” திரைப்படத்தின் இயக்குனர் அஸ்வின் சரவணனுடன் கலந்துரையாடல்

ஜுன் 23 ஞாயிறு மாலை - 5 மணி.

பியூர் சினிமா புத்தக அங்காடி, எண். 7 மேற்கு சிவன் கோவில் தெரு, வடபழனி
(வாசன் ஐ கேர் அருகில், விக்ரம் ஸ்டுடியோ எதிரில், டயட் இன் உணவகத்தின் இரண்டாவது மாடியில்)

சமீபத்தில் வெளியான ”கேம் ஓவர்” திரைப்படத்தின் இயக்குனர் அஸ்வின் சரவணனுடன் கலந்துரையாடல் நிகழ்வு எதிர்வரும் 23ஆம் தேதி (ஞாயிற்றுக்கிழமை) மாலை 5 மணிக்கு பியூர் சினிமாவில் நடைபெறவுள்ளது.

தமிழ் ஸ்டுடியோ தமிழ் சினிமா கலைஞர்களுடன் பல்வேறு கலந்துரையாடல்களைப் பல்வேறுவிதமாக நடத்தி வருகிறது. தமிழ் சினிமா நூற்றாண்டு தொடர் கலந்துரையாடல், பயிற்சிப்பட்டறைகள், திரையிடல் போன்ற பல்வேறு முன்னெடுப்புகளுடன் சேர்ந்து நிகழ்கால தமிழ் சினிமாவை மையப்படுத்தியும், தொடர் கலந்துரையாடல் ஒன்றை நடத்தி வருகிறது. அவ்வகையில், சமீபத்தில் வெளியான ”கேம் ஓவர்” திரைப்படத்தின் இயக்குனர் அஸ்வின் சரவணன் இந்த கலந்துரையாடலில் பங்கேற்கிறார். மாயா திரைப்படத்தின் மூலம் தமிழ் திரையுலகில் அறிமுகமான இவர், இறவாக்காலம் என்னும் திரைப்படத்தையும் இயக்கியுள்ளார்.

இந்த ஆண்டின் பொதுவான தமிழ் சினிமாக்கள் பற்றியும், கேம் ஓவர் திரைப்படம் பற்றியும், படம் பேசும் கருப்பொருள் சார்ந்தும், சினிமா வணிகம் சார்ந்தும் நண்பர்கள் இயக்குனரோடு கலந்துரையாடலாம்.

அனைவரும் வருக. அனுமதி இலவசம்.

தொடர்புக்கு: 9840644916

0
20 June, 2019

ஒளிப்பதிவாளர் திரு அவர்களின் ஒரு நாள் சினிமா பயிற்சிப்பட்டறை

இந்தியாவின் முன்னணி ஒளிப்பதிவாளர் பி.சி. ஸ்ரீராம் மேற்பார்வையில், இந்தியாவின் மோஸ்ட் வான்டெட் ஒளிப்பதிவாளர் திரு அவர்களின் ஒரு நாள் சினிமா பயிற்சிப்பட்டறை.

07-07-2019, ஞாயிறு காலை 10 மணி முதல் மாலை 6 மணி வரை

நன்கொடை: 3500 ரூபாய் (மூவாயிரத்து ஐநூறு ரூபாய்) மதிய உணவுடன்

தலைப்பு: ஒளிப்பதிவு ஷாட் பிரிக்கும் முறை, படப்பிடிப்பு தளத்தில் உருவாக்கப்படும் காட்சி, ஷாட், லைட்டிங், கோணங்கள் பற்றிய செய்முறை பயிற்சி.

முன்பதிவு செய்ய: 9840644916, 044 48655405

நண்பர்களே, இந்திய சினிமாவின் ஆளுமைகளாக விளங்கும் பெரும்பாலான ஒளிப்பதிவாளர்களை உருவாக்கிய தமிழ் சினிமாவின் பொக்கிஷங்களில் ஒன்றாக விளங்கும் திரு. பி.சி ஸ்ரீராம் இந்தியாவிலியேயே முதல் முறையாக, தமிழ் ஸ்டுடியோ ஒருங்கிணைக்கும் ஒளிப்பதிவு பயிற்சிப்பட்டறையின் மேற்பார்வையாளராகவும், இறுதியில் சான்றிதழ் வழங்கவும் இருக்கிறார். இந்த ஒளிப்பதிவு பயிற்சிப்பட்டறையை நடத்த இருப்பவர் இந்திய சினிமாவின் மிக முக்கியமான ஒளிப்பதிவாளரும், இந்தியாவின் பெரும்பான்மையான மொழிகளில் பணியாற்றி வருபவருமான திரு என்கிற திருநாவுக்கரசு அவர்கள். ஹே ராம், ஆளவந்தான், லேசா லேசா, கஞ்சிவரம் போன்ற தமிழ்ப்படங்களில், க்ரிஷ் 3, போன்ற இந்திப்படங்களிலும் ஒளிப்பதிவாளராக பணியாற்றி இருக்கும் இவர், 24 படத்திற்கு ஒளிப்பதிவு செய்ததற்காக தேசிய விருது பெற்றவர். அண்மையில் வெளியான ரஜினிகாந்தின் பேட்ட திரைப்படத்தின் ஒளிப்பதிவாளரும் இவரே.

திரு அவர்களின் ஒளிப்பதிவு பயிற்சிப்பட்டறை, அதற்கு பி.சி. அவர்களின் மேற்பார்வை என்பது இந்திய சினிமாவின் குறிஞ்சிப்பூ போன்ற செயல். இருவரும் மிக பிஸியான தங்கள் பணிகளுக்கிடையிலும், தமிழ் ஸ்டுடியோவின் தொடர் நிதி சிக்கலுக்காக இந்த ஒளிப்பதிவு பயிற்சிப்பட்டறைக்கு சம்மதித்துள்ளார். அவர்களுக்கு உங்கள் சார்பாகவும் தமிழ் ஸ்டுடியோ சார்பாகவும் நன்றியை தெரிவித்துக்கொள்கிறேன். இத்தகைய ஒரு வாய்ப்பு, பெரும் பல்கலைக்கழகங்கள், அல்லது கல்லூரிகளில் கிடைக்க நாம் லட்சங்களை காட்டிக்கொடுக்க வேண்டும். ஆனாலும் இரு பெரும் ஆளுமைகள் நமக்காக தங்கள் நேரத்தை ஒதுக்கி தந்து சினிமா கல்வியியல் வரலாற்றில் மிக முக்கியமான இடத்தை பிடித்துள்ளார்கள். சினிமாவில் ஒரு காட்சியை எப்படி ஷாட் பிரித்து, லைட்டிங் அமைத்து படம் பிடிப்பார்களோ, அப்படி ஒரு செய்முறை பயிற்சியோடு இந்த பயிற்சி மிக பிரம்மாண்டமாக நடக்க இருக்கிறது. செலவுகளை கணக்கிட்டு 3500 ரூபாய் நன்கொடையாக கோரப்பட்டுள்ளது. உதவி தொழில்நுட்ப கலைஞர்கள், சினிமா ஆர்வலர்கள், சினிமா படிக்கும் மாணவர்கள் என அனைவரும் இந்த வாய்ப்பை தவறாமல் பயன்படுத்திக்கொள்ள வேண்டும்.

0
18 June, 2019

இயக்குனர் லெனின் பாரதி நடத்தும் ஒரு நாள் பயிற்சிப்பட்டறை

 09-06-2019, ஞாயிறு காலை 10 மணி முதல் மாலை 6 மணி வரை
நன்கொடை: 1000 ரூபாய் (ஆயிரம் ரூபாய்)
தலைப்பு: கதை எப்படி காட்சியாகிறது, காட்சி எப்படி ஷாட் ஆகிறது, ஷாட் பிரிக்கும் வழிமுறைகள், அரசியல் சினிமாவின் தேவை.
முன்பதிவு செய்ய: 9840644916, 044 48655405
பியூர் சினிமா புத்தக அங்காடி, எண். 7, மேற்கு சிவன் கோவில் தெரு, வடபழனி, வாசன் ஐ கேர் அருகில், விக்ரம் ஸ்டுடியோ எதிரில், டயட் இன் உணவகத்தின் இரண்டாவது மாடியில்
நண்பர்களே தமிழ் ஸ்டுடியோ பேரியக்கம் பெரும்பாலான எல்லா சேவைகளையும் இலவசமாகவே செய்து வருகிறது. ஆனாலும் இயக்கத்திற்கு தேவையான நிதி திரட்டும் வகையில் அவ்வப்போது ஒரு பயிற்சிப்பட்டறையை நடத்தி வருகிறது. தவிர சினிமா கல்வியை எளிமையாக எல்லாருக்கும் பெரிய பொருட்செலவின்றி கொண்டு செல்லும் நோக்கிலும் இந்த பயிற்சிப்பட்டறைகள் வடிவமைக்கப்பட்டுள்ளது. ஜூன் மாதம் சினிமா உருவாக்கம், அரசியல் சினிமா உருவாக்கம் பற்றிய மிக முக்கியமான பயிற்சிப்பட்டறை ஒன்றினை இயக்குனர், தோழர் லெனின் பாரதி நடத்திக்கொடுக்க இருக்கிறார். மக்களிடம் நிதி திரட்டி நடத்தப்படும் எல்லா அமைப்புகள் பற்றியும் பெரும் அக்கறையும், அதன் தீவிரத்தன்மை குறித்த ஆர்வமும் இயக்குனர் லெனின் பாரதி அவர்களுக்கு எப்போதும் உண்டு. அவரது மேற்கு தொடர்ச்சி மலை திரைப்படம் தமிழில் வடிவம் உள்ளடக்கம் பற்றிய மிக முக்கியமான திரைப்படம். தமிழ் ஸ்டுடியோவின் படச்சுருள் மாத இதழ் இதுவரை எந்த ஒரு திரைப்படத்திற்கும் சிறப்பிதழ் வெளியிட்டது கிடையாது. ஆனால் மேற்கு தொடர்ச்சி மலை திரைப்படத்திற்கு சிறப்பிதழ் வெளியிட்டது. அத்தகைய சிறப்பு வாய்ந்த திரைப்படத்தை இயக்கியவர் லெனின் பாரதி. பெரும்பான்மையான மக்களிடம் வரவேற்பை பெற்ற இந்த திரைப்படத்தை பெரும் சமரசங்கள் எதுவும் இன்றி இயக்கினார் தோழர் லெனின் பாரதி. 
தமிழ் ஸ்டுடியோவின் நிதியாதாரம், மற்றும் சினிமா கல்வியை எல்லாருக்கும் கொண்டு செல்லும் நோக்கில் நடத்தப்படும் இந்த பயிற்சிப்பட்டறையை ஒரு பைசா கூட பெற்றுக்கொள்ளாமல் நடத்திக்கொடுக்க முன்வந்துள்ளார். அவருக்கு தமிழ் ஸ்டுடியோவின் பெரும் நன்றியை உங்கள் சார்பாக தெரிவித்துக்கொள்கிறோம். இந்த பயிற்சிப்பட்டறை உங்கள் சினிமா பற்றிய அத்துணை பார்வைகளையும் மாற்றியமைக்கலாம். சினிமாவை உங்களுக்கு இன்னொரு கோணத்தில் கற்றுக்கொடுக்கலாம். நேர்மையான, உண்மையான சினிமாவை நீங்கள் பயிற்சியின் முடிவில் உணர்ந்துகொள்ளலாம். இந்த அனுபவத்தை பெற, அவசியம் இந்த ஒரு நாள் பயிற்சிப்பட்டறையில் கலந்துக்கொள்ளுங்கள். இந்த வாய்ப்பு வாழ்வில் எப்போதாவதுதான் கிட்டும். தவறவிடாதீர்கள். 
முன்பதிவு செய்ய: 9840644916, 044 48655405
02 June, 2019