2016-ஆம் ஆண்டு, விஜய் சேதுபதி, மடோனா செபாஸ்டியன் ஆகியோரது நடிப்பில், நலன் குமாரசாமி இயக்கத்தில் வெளியான திரைப்படம். காதலும் கடந்து போகும். 2013-ஆம் ஆண்டு வெளியாகி, பெருவெற்றி பெற்ற 'சூது கவ்வும்'. திரைப்படத்திற்குப் பிறகு, நலன் குமாரசாமி இயக்கத்தில் வெளியான இரண்டாவது திரைப்படம் இது.

திருக்குமரன் எண்டர்டைன்மெண்ட் தயாரிப்பு நிறுவனத்தின் வாயிலாக, சி.வி.குமார், K.E.ஞானவேல் ராஜா ஆகியோரது தயாரிப்பின் கீழ் வெளியான இத்திரைப்படம் Kim Kwang-sik இயக்கத்தில் 2010-ஆம் ஆண்டு வெளியான My Dear Desperado திரைப்படத்தின் அதிகாரப்பூர்வ மறுவுருவாக்கம் ஆகும்.

இஞ்ஜினியரிங் படித்த நாயகி யாழினி (மடோனார்) பெற்றோரின் எதிர்ப்பையும் மீறி சென்னையில் உள்ள ஐடி கம்பெனியில் வேலைக்கு சேர்கிறார். எதிர்பாராத விதமாக அவர் வேலை பார்த்த கம்பெனி மூடப்படுகிறது. இதனால் வேலையை இழக்கிறார். வீட்டுக்கு சென்றால் எங்கே தன்னை திருமணம் செய்து வைத்து விடுவார்கள் என்று எண்ணி சென்னையில் வாடகைக்கு வீடெடுத்து வேறு வேலைத்தேடி வருகிறார்.

மடோனாவின் வீட்டருகே ரவுடி கும்பலிடம் வேலை செய்து வரும் கதிரவன் (விஜய் சேதுபதி வசிக்கிறார். இவர் பார் ஓனராக வேண்டும் என்ற ஆசையில் இருக்கிறார். இவருக்கும் மடோனாவிற்கும் பழக்கம் ஏற்படுகிறது.

இந்த பழக்கம் இவர்களுக்குள் காதலாக மாறியதா? விஜய் சேதுபதியின் பார் ஓனர் கனவு நிறைவேறியதா? மடோனாவிற்கு வேலை கிடைத்ததா? என்பவையே படத்தின் மீதிக்கதை.