உலக புத்தக தினம்

உலக புத்தக தினம்

கடந்த காலத்தின் வரலாறுகளை நாம் பதிவு செய்து வைத்த ஆவணமே புத்தகம். புத்தகம் என்பது ஒரு காலத்தின் வரலாறு .
அனைத்து மனிதர்களுக்கும் புத்தகம் என்பது அறிவின் அடிப்படைத் தோற்றமாக இருக்கின்றது. அறிவியல், கலாச்சாரம், வரலாறு, நாகரிகம் மற்றும் மனித உரிமைகள் தொடர்பான பல துறைகளை உள்ளடக்கிய புத்தகங்கள், மனித சமூகம் முன்னேற்றம் அடைவதற்கு வழிகாட்டுகின்றன. இந்த அறிவை அதிகமாக பிரபலப்படுத்தும் நோக்கில் 1995 ஆம் ஆண்டு முதல் யுனெஸ்கோ அமைப்பு ஏப்ரல் 23 ம் தேதியை உலக புத்தக மற்றும் காப்புரிமை தினமாக கொண்டாடி வருகிறது. ஆகையால் உலக புத்தக தினம் என்றும் இது அழைக்கப்படுகிறது.

இந்த நாள், புத்தகங்கள் மற்றும் வாசிப்பின் முக்கியத்துவத்தை புரிந்து கொண்டு, பல புதிய வாசகர்களை உருவாக்கவும், பாரம்பரியமாக இருக்கும் புத்தகங்கள் மற்றும் எழுத்தாளர்களை மரியாதை செய்யவும் நோக்கமாக கொண்டது. சர்வதேச பதிப்பாளர்கள் சங்கம், சர்வதேச புத்தக விற்பனையாளர்கள் கூட்டமை மற்றும் நூலக சங்கங்களின் கூட்டமைப்பு உள்ளிட்ட அமைப்புகளுடன் இணைந்து புத்தக தினம் கொண்டாடப்படுகிறது.

புத்தகங்களை விட சிறந்த நண்பன் வேறில்லை என்பதை புத்தக பிரியர்கள் மனமார ஒப்புக்கொள்வார்கள். அதே போல, “சொர்க்கம் என்பது ஒரு வகையான நூலகம் போல இருக்கும் என்றே எப்போதும் கற்பனை செய்திருக்கிறேன்” என்று லத்தீன் அமெரிக்க எழுத்தாளர் ஜார்ஜ் போர்ஹேவின் கருத்தையும் குதூகலத்துடன் ஏற்றுக்கொள்வார்கள்.

“வீட்டை அலங்கரிக்க புத்தகங்களை விட அழகான பொருட்கள் இன்னும் கண்டுபிடிக்கப்படவில்லை,என “ஹென்றி வார்ட் பீச்சர் கூறியுள்ளார்
உலகின் பல இலக்கியவாதிகள் பிறந்தும் , மறைந்தும் இருக்கிறார்கள். முக்கியமாக உலகின் தலை சிறந்த சோக காவியமான லியர் அரசன் , ரோமியோ ஜூலியட், ஜீலியஸ் சீசர் , மாக்பெத் , ஹாம்லெட் போன்ற புனிதமான நாவல்களை எழுதிய ஷேக்ஸ்பியர் என்ற பிரபல இலக்கியவாதி பிறப்பு மட்டுமல்லாமல் இறப்பின் நினைவு நாளும் ஏப்ரல் 23 _ல் தான் 1923ல் ஸ்பெயின் நாட்டில் ஏப்ரல் 23-ம் நாள் இறந்த பிகுல்டி செர்வென்டிஸின் நினைவாகவும் புத்தக தினம் கொண்டாடுவதாக சொல்லப்படுகிறது.

முதல் புத்தகம் குகையும் எலும்புகளும்! இன்றைய நவீன அறிவியல் யுகத்தில், வலைத்தளமும், தொலைபேசி, கைப்பேசிகளும், மின் அஞ்சலும் முக்கியமாக தொலைகாட்சியும், மக்களின் புத்தகம் படிக்கும் பழக்கத்தைப் குறைத்து விட்டன. ஆனால் புத்தகம்தான் நிரந்தரமாய் நிலைத்து நிற்கும் அறிவின் பெரும் ஆயுதம் .

வலைத்தளத்தில் என்னதான் படித்தாலும், புத்தகம் படிக்கும் சுவையும், இன்பமும், இரசனையும் நிச்சயமாக வலைத்தளத்தில் கிடைக்காது. புத்தகம் என்பது ஒருவரின் சொத்து. புத்தக தினத்தில் அனைவரும் புத்தகம் வாங்க வேண்டும் என உறுதி மொழி எடுக்கவேண்டும். “மனிதனின் கண்டுபிடிப்புகளில் மிகச்சிறந்தது புத்தகமே” என இருபதாம் நூற்றாண்டின் சிறந்த விஞ்ஞானி ஆல்பர்ட் ஐன்ஸ்டீன் கூறினார்..

ஆனால் எலும்பில் எழுதிய மனிதன், மலையின் குகைகளில் எழுதினான். பிறகு பாப்பிரஸ் மரப்பட்டைகள், ஆடு மற்றும் கன்றுக்குட்டியின் தோல்கள், மரப்பட்டைகள், களிமண், மண் ஓடுகள் மற்றும் பேப்பர்கள் என, எழுத்தின் பதிவு கொஞ்சம் கொஞ்சமாக பரிணாமம் பெற்று இன்று மின்னஞ்சலில் வலைத்தளத்தில் இ-எழுத்தாக மாறியுள்ளது. இதன் மூலம் எழுத்துக்கள் பதித்த புத்தகம் காணாமல் போய் விடுமோ என்ற அச்சம் பிறந்துள்ளது.

அலெக்சாண்டர் (கி.மு.356-323) இந்தியா வரை படையெடுத்துத் திரும்பியபின், அலெக்சாண்டரின் படைத் தளபதியாக இருந்த சிலியோமீனிஸ் என்பவர், இப்போது துருக்கியின் தலைநகரமாய் உள்ள இஸ்தான்புல் என்ற இடத்தில், அலெக்சாண்டரின் வெற்றிப் புகழை நிலைநாட்டும் நோக்குடன் அலெக்சாண்டிரியா என்ற நகரை அமைத்தார். அலெக்சாண்டிரியா நகரில் மாபெரும் நூலகம் அமைக்கப்பட்டது. ஐந்து இலட்சம் நூல்கள் இடம்பெற்றிருந்தன. எபிகூரஸ், டெமாக்ரிடஸ், ஹிராக்லிடஸ், சாக்ரடீஸ், பிளாட்டோ, அரிஸ்டாட்டில் முதலான கிரேக்க அறிஞர்களின் நூல்கள் இந்நூலகத் தில் இடம்பெற்றிருந்தன. ஆர்க்கிமிடிஸ் போன்ற புகழ் பெற்ற கிரேக்க அறிஞர்கள் இதில் படித்தனர். உலக வரலாற்றில் முதலாவது மாபெரும் நூலகம் இதுவே யாகும்.

பதப்படுத்தப்பட்ட ஓலைகள், தோல், துணி முதலா னவற்றின் மேல் எழுதும் முறையே நீண்டகாலம் இருந்தது. எனவே அரசர்களிடமும், மதங்களின் மடங் களிலும், சில பெரிய செல்வர்களிடமும் மட்டுமே நூல்கள் இருக்கும் நிலை இருந்தது. காகிதம் கண்டுபிடிக்கப்பட்ட பிறகும் மை கொண்டு கையால் நூல்களை எழுதும் நிலையே இருந்தது.

1450களில் செருமானியரான ஜொகானஸ் கட்டன் பர்க் என்பவர் முதலாவது அச்சு எந்திரத்தை உருவாக்கினார். நூல்களும் – நூலகங்களும் தனிமனிதர் வாழ்வில், சமுதாயத்தில் பெரும் மாற்றங்களை – புரட்சிகளை உண்டாக்கியிருக்கின்றன. பிரான்சில் வால்டர், ரூசோவின் எழுத்துகள் பிரெஞ்சுப் புரட்சிக்கு உந்துவிசையாக விளங்கின.

ஆபிரகாம்லிங்கன், இளமையில், தான் படித்த நூல்கள் எவ்வாறு தன் வாழ்க்கையைச் செதுக் கின என்று எழுதியிருக்கிறார். ஆப்பிரகாம் லிங்கன் அமெரிக்காவின் குடியரசுத் தலைவரான பின், வெள்ளை மாளிகையில் தன் படுக்கை அறையில் நூலகத்தை ஏற்படுத்தினார்.

லண்டனில் அருங்காட்சியகத்தில் உள்ள மாபெரும் நூலகத்தில் காரல் மார்க்சு பல ஆண்டுகள் அயராது படித்ததால்தான், மூலதனம் எனும் மாபெரும் நூலை உருவாக்க முடிந்தது. மேதை அம்பேத்கரும் இதே நூலகத்தில், காலையில் நூலகம் திறந்தது முதல் மூடும் வரையில் பல நாள்கள் படித்தார்கள். பட்டினி கிடந்து பணத்தை மிச்சப்படுத்தி நூல்களை வாங்கிப் படித்தார்கள்.

புத்தகங்களின் முக்கியத்துவம் என்பது மனித சமுதாயத்தின் வளர்ச்சிக்கும் அறிவு விரிவுக்கும் புத்தகங்கள் முக்கிய பங்கு வகிக்கின்றன. நம் முன்னோர்கள் தங்கள் அனுபவங்களை, அறிவை, மற்றும் சிந்தனைகளை எழுதிப் பதித்து விட்டுச் சென்றதே புத்தகங்கள். இன்று அந்த எழுத்துகள் ஒவ்வொன்றும் நம்மை ஆளும் வழிகாட்டிகளாக இருக்கின்றன.

புத்தகங்கள் நமக்கு புதிய அறிவை வழங்கும் கருவிகள். உலகம் எவ்வாறு இயங்குகிறது, மனிதர்களின் வரலாறு என்ன, அறிவியல் கண்டுபிடிப்புகள் என்னவென்பதை புத்தகங்கள் மூலமாகத்தான் அறிய முடிகிறது. பள்ளி, கல்லூரி மட்டுமின்றி, வாழ்நாள் முழுவதும் நாம் புத்தகங்களிடமிருந்தே பயின்றுக்கொண்டே இருக்கிறோம்.

புத்தகங்கள் நம் சிந்தனையையும் விரிவாக்குகின்றன. ஒரு நல்ல புத்தகம், மனித உணர்வுகளை நுண்ணுணர்வாக வெளிப்படுத்துவதால், நாம் மற்றவர்களின் வாழ்க்கையைப் புரிந்துகொள்ள உதவுகிறது. சிறுகதைகள், நாவல்கள், வாழ்க்கை வரலாறுகள்—all of these help us develop empathy.

அதேசமயம், புத்தகங்கள் ஒரு நிம்மதி தரும் நண்பராகவும் இருக்கின்றன. மன உளைச்சலுக்கு இடையில் ஒரு சிறந்த கவிதை, அல்லது ஒரு அழகான கதையை வாசிப்பது ஒரு அற்புதமான அனுபவம். வாசிப்பு நம் மனதை சுத்திகரிக்கிறது, சிந்தனையைத் தெளிவாக்குகிறது.

புத்தகங்கள் மொழித் திறனை வளர்க்கும். நல்ல சொற்கள், உரைநடை, இலக்கணத் துலக்கம்—all these improve with regular reading. குழந்தைகளில் வாசிப்பு பழக்கத்தை வளர்க்கும்போது, அவர்களின் அறிவாற்றலும் ஆளுமையும் உயர்வதைக் காணலாம்.

முழுமையாகப் பார்த்தால், புத்தகங்கள் ஒரு சமூகத்தின் அறிவுத்திறனை கட்டியெழுப்பும் தூண்களாக உள்ளன. வாசிப்பும், வாசிப்பு வளர்ச்சியும் ஒரு தேசத்தின் நாகரிகத்தைக் காட்டும் பிரதிநிதிகள்.

முடிவுரை: புத்தகங்களை நேசிப்போம், வாசிப்பதை வழக்கமாக்குவோம். புத்தகம் ஒரு நண்பன் மட்டுமல்ல, நம் அறிவு வளர்ச்சியின் ஒளிக்கான வாசல். புத்தகங்களில் மூழ்கும் வாழ்க்கை எப்போதும் வளமானதாகவே இருக்கும்.

அனைவரும் இனிய உலக புத்தக தினம் வாழ்த்துக்கள்