கீழடியில் இளவெயினி பாட்டி - சிறுவர்களுக்கான காமிக்ஸ் புத்தகம்

பல ஆயிரம் ஆண்டுகளுக்கு முந்தைய மூத்தகுடி தமிழர்கள் என்கிற உண்மையை உலகிற்கு உணர்த்திய, தமிழர்களின் தொன்மையை பன்பாட்டை மீட்டெடுத்த கீழடி தொல்பொருள் ஆய்வின் மூலம் கண்டறியப்பட்ட உண்மைகளை சிறுவர்கள், இளையோர்களிடம் கொண்டு சேர்க்கும் பொருட்டு இந்நூல் உருவாக்கப்பட்டுள்ளது. நூற்றுக்கணக்கில் வண்ண படங்கள், வழ வழ தாளில் காமிக்ஸ் போல அச்சிடப்பட்ட புத்தகம். சிறுவர்கள் படிக்க ஏதுவான பெரிய பெரிய எழுத்துகள், கண்களை பாதிக்காத வண்ணங்கள் என பார்த்து பார்த்து தமிழர்களின் தொன்மையை, அறிவியல் பேண்டசி, சஸ்பென்ஸ் கதையாக சிறுவர்களுக்கு சொல்கிறது கீழடியில் இளவெயினி பாட்டி. அருண் மோ தன்னுடைய மகன் மகிழ்மாறனுக்காக எழுதிய நூல் மகிழ் மாறனின் 3வது பிறந்த நாளான இன்று (24-10-2024) வெளியிடப்படுகிறது.

இந்த நூலினை சிறுவர்களுக்கான நூல்களை சிறப்பாக வெளியிடும் பயில் பதிப்பகத்தின் சார்பாக கார்த்திகேயன் புகழேந்தி அவர்கள் வெளியிடுகிறார். நூலின் தரம் சிறப்பாக இருக்கிறது, சிறுவர்களுக்கான நூலினை கொண்டு வருவதில் எவ்வித சமரசமும் இல்லாமல் இந்த நூலை கொண்டுவர பாடுபட்டிருக்கிறார். எல்லாரும் அவசியம் வாங்கி படிக்க வேண்டிய நூல்.